Լուրեր

Կապանում 26 վերելակ կնորոգվի. տրամադրվել է 24 մլն 232 հազար դրամ

Հաշվի առնելով համայնքի բնակիչների բազմաթիվ դիմում–բողոքները, խնդրի սոցիալական նշանակությունն ու քաղաքացիների անվտանգությունը՝ Կապանի համայնքապետարանն այս տարի հանձն է առել նորոգել բազմաբնակարան բնակելի շենքերի թվով 26 վերելակները։

Աշխատանքները մեկնարկել են 2019 թվականի դեկտեմբերի 25–ից․ նշված ծրագրի իրականացման համար համայնքային բյուջեից տրամադրվել է 24 մլն 232 հազար դրամ։ Վերանորոգման աշխատանքները իրականացնում է Կապանի «Վերելակ» արտադրական կոպերատիվը և ներկա դրությամբ նորոգել ու շահագործման է հանձնել 7 վերելակ։

Կապանի համայնքապետարանը հորդորում և խնդրում է խնամքով վերաբերվել վերելակներին, չփչացնել, չթալանել և հաշվի առնել, որ շենքերում մարդատար վերելակներ են և դրանք ուղղակի չօգտագործել որպես բեռնափոխադրման միջոցներ։ Կոչ է անում այսուհետ բարեխղճորեն օգտագործել վերելակները, ինչպես նաև փորձել ինքնուրույն հոգալ վերելակների ընթացիկ պահպանման ծախսերը։

https://www.facebook.com/Kapanmunicipality/posts/556099971650152?__xts__[0]=68.ARBZM2iF3bIGubpEe_9tDYk6tpdStd4IXeGEkmRyjdm-WsVI2-i8wlgSziVvmgwWGHqfzWNUIyhl-JuEbw99BaM5Cov46TtMCvK4WbELqaqGejma2SyM9jw7u-j_ZvBhvLykpgk4VgD_thi1qykfP3yjyYFgpu5kNcoPROaZbTUFwuGNpY8y3Ss3Q9Z-xAwTXvoHcY7Op2_EC7eNV0Gg-PdukX8TSGpDFskzN0gXy-oFG9iE6gkaUGM73VB6i5xBZ86fYvY1BOcuICYvpJavXPGLV3lC-rfLoLT4fu1aMNxg3BADqcq4qTDr2lpM9UwsCXKiSEa9i-reVV4M9uc4ymc&__tn__=-R
Ցուցադրել ավելի
Back to top button