Երևանի քաղաքապետարանին 271 միլիոն դրամ էր տրամադրվել Հանրապետության հրապարակի ամանօրյա միջոցառումներն ավելի գրավիչ դարձնելու համար: 2019 թվականի դեկտեմբերի 28-ից 2020 թվականի հունվարի 6-ն ընկած ժամանակահատվածում արձանագրվել է 9 միլիարդ 307 միլիոն դրամի հավելյալ արևտրաշրջանառություն, որից 4 մլրդն ծախսվել է մարզերում: Իսկ դա նախնական հաշվարկներով նշանակում է 325 միլիոն դրամի հարկ:
«Այսինքն ծախսված միջոցները վերադառնալու են բյուջե: Այս տվյալները տեսնելով՝ մենք մյուս տարի ավելի մասշտաբային պետական ծախսեր պետք է անենք ամանօրին, որպեսզի ավելի շատ հարկեր գեներացնենք ու ավելի շատ հնարավորություններ ստեղծենք Հայաստանի քաղաքացիների համար աշխատելու և իրենց աշխատանքով վաստակելու համար», — ֆեյսբուքյան ուղիղ եթերում ասել է Հայաստանի վարչապետ Նիկոլ Փաշինյանը:
