Կորոնավիրուսով վարակված անձը ոչ թե Թումոյի աշխատակից է, այլ Թումո Երևան շենքի 6-րդ հարկում շինարարական աշխատանքներին մասնակցող անձ է, հայտնում են Թումոյից եւ բերում փաստարկներ.
- Այդ անձը Թումոյի աշխատակից չէ: Նա պայմանագրով աշխատում է մեր վարձակալներից մեկի հետ
- Այդ անձը չի ունեցել մուտք դեպի Թումո Երևանի կրթական տարածք ու չի ունեցել շփում որևէ ուսանողի, աշխատակցի կամ վարձակալով ընկերությունների աշխատակիցների հետ:
Ըստ Թումոյի տարածած հաղորդագրության` այս պահին 6-րդ հարկում շինարարական աշխատանքները դադարեցվել են:
Ավելի վաղ հաղորդվել էր Հայաստանի ու Արցախի Հանրապետության բոլոր կենտրոններում դասերը ժամանակավորապես` մինչև ապրիլի 12-ը, դադարեցնելու մասին։
