Շարունակում ենք ձեզ ներկայացնել Երևանի թանգարանները։ Այսօր այցելելու ենք Ժամանակակից արվեստի թանգարան։
Այս թանգարանում հիմնականում ներկայացված են ժամանակակից նկարիչներ Մինաս Ավետիսյանի, Վրույր Գալստյանի, Հակոբ Հակոբյանի, Էմիլ Գազազի և այլոց ստեղծագործությունները։
Թանգարանի առաջին ցուցանմուշները հայ արվեստագետների նվիրատվություններն էին և 1960-ական թվականների Հայաստանի և Սփյուռքի նկարիչների գործերը։ Հետագայում ցուցանմուշների քանակը ավելացել է Հայաստանի հանրապետության մշակույթի նախարարության գեղարվեստական ֆոնդի և ձեռքբերումների շնորհիվ։
Թանգարանի հավաքածուն համալրվել է միջին և երիտասարդ սերնդի նկարիչների ստեղծագործություններով։ Օրինակ՝ 2010 թվականին բարերար Գրիգոր Մուրադյանը թանգարանին նվիրել է ամերիկաբնակ ճանաչված նկարիչ և քանդակագործ Էմիլ Գազազի աշխատանքներից։ Թանգարանը մայրաքաղաքի տարբեր սրահներում պարբերաբար ցուցադրություններ է իրականացնում։