Լուրեր

Մանկապարտեզներ փակելն այս պահին անհրաժեշտություն է

Նախադպրոցական տարիքի երեխաներ ունեցող մեր քաղաքացիներից շատերին հասկանալիորեն դուր չի եկել մանկապարտեզները ժամանակավորապես փակելու և յուրաքանչյուր վարչական շրջանում երկուական հերթապահ մանկապարտեզ թողնելու որոշումը: Այս մասին հայտնել է Երևանի քաղաքապետի տեղակալ Տիգրան Վիրաբյանը։

Լրացուցիչ անհարմարություններից հիմնականները.

Երեխաները սովոր են իրենց խմբերին, երեխաներին, դաստիարակներին, նոր միջավայրին հարմարվելը դժվար է լինելու, երեխաները սթրեսի են ենթարկվելու:

Իրենց «սովորական» մանկապարտեզները հիմնականում տանը մոտ են, տեղափոխվելու խնդիր չկա, մինչդեռ այս շրջանում ստիպված են լինելու երկար ճանապարհ անցնել, երբեմն՝ տրանսպորտի վրա լրացուցիչ գումար ու ավելի շատ ժամանակ ծախսել, հերթապահ մանկապարտեզներ հասնելու համար:

«Բոլոր այս խնդիրները հասկանալի են, բոլորս էլ բախվում ենք բոլոր անհարմարությունների հետ, որն հետը բերել է չարաբաստիկ համավարակը՝ սկսած դիմակներ կրելուց, մինչեւ ճամփորդելու ու մեր ավագ հարազատներին տեսնելու արգելքը:

Ու թերեւս ավելորդ չի նշել, որ այս հարկադրված միջոցառումն անում ենք մեր մանկապարտեզների աշխատակիցների ու երեխաների անվտանգությունից դրդված. «սովորական» ժամանակներում մանկապարտեզներում աշխատում է շուրջ 4500 մարդ, այս միջոցառման շնորհիվ նրանց մեծ մասը տանը կմնա (իհարկե, շարունակելով վճարվել), հերթապահ մանկապարտեզներում կաշխատի մոտ 500 մարդ:
Իսկ երեխաները, որոնք արդեն ադապտացված են մանկապարտեզի միջավայրին, կկարողանան նաեւ ծնողների օգնությամբ ավելի հեշտ հարմարվել այս նոր իրավիճակին:

Սա իսկապես անհրաժեշտ միջոցառումներից մեկն է, եթե ուզում ենք հնարավորինս շուտ ու քիչ խնդիրներով վեադառնալ բնականոն կյանքի հունին:

Ամեն դեպքում, քաղաքային իշխանությունը հայցում է երեւանցիների ներողամտությունը՝ ստեղծված անհարմարությունների համար եւ վստահություն հայտնում, որ միահամուռ ջանքերով կհաղթահարենք դժվար ժամանակները:

Շնորհակալություն ըմբռնումով մոտենալու համար»,-գրել է նա իր ֆեյսբուքյան էջում:

https://www.facebook.com/tiko.virabyan/posts/3054202451300269
Ցուցադրել ավելի
Back to top button