Aegean Airlines և Wizz Air ավիաընկերությունների կողմից Հունաստանի և Հայաստանի միջև թռիչքները դադարեցվել էին Լեռնային Ղարաբաղում պատերազմի վերսկսման պատճառով:
Greekcitytimes.com լրատվական գործակալությունը հայտնում է, որ նոյեմբերի 9-ի հրադադարից հետո Հայաստանի և Հունաստանի միջև իրականացվող թռիչքները վերսկսելու որոշում է կայացվել: Aegean Airlines-ի զեղչված թռիչքների մեկնարկը կլինի մարտի 31-ին:
«Եթե Հունաստանի սահմաններից դուրս եք ձեր հանգիստն անցկացնելու, ապա ինչո՞ւ չդիտարկել Հայաստան մեկնելու տարբերակը »,- գրում է կայքը` հավելելով, դա աջակցություն կլինի Թուրքիայի հովանավորությամբ իրականացված ներխուժումից տուժած երկրի տնտեսությունը վերականգնելու գործին:
