Լուրեր

Գեղաշեն համայնքում մանկապարտեզի կառուցման աշխատանքներն ավարտին են մոտեցել

Կոտայքի մարզի Գեղաշեն համայնքում ավարտին են մոտեցել համայնքային մանկապարտեզի կառուցման աշխատանքները: Գեղաշենում երբևէ մանկապարտեզ չի գործել:

Նոր մանկապարտեզի կառուցման աշխատանքները մեկնարկել էին դեռևս Կառավարության 2019 թվականի սուբվենցիոն ծրագրի շրջանակներում, իսկ արդեն 2020 թվականի սուբվենցիայով իրականացվում են բակային հատվածի կառուցման և ինժեներական ցանցի անցկացման աշխատանքներ:

Գեղաշենի համայնքապետարանից հայտնել են, որ համավարակով և պատերազմով պայմանավորված՝ շինաշխատանքները տեղափոխվել են այս տարի և ամենամոտ ժամանակահատվածում կավարտվեն:

Ծրագրի արդյունքում ասֆալտապատվել է բակային տարածքը. կառուցվում է ցանկապատ, խաղահրապարակ, որից հետո կիրականացվի կանաչապատում:

Մանկապարտեզի գույքի ձեռքբերման նպատակով այս տարի սուբվենցիոն ծրագրային հայտ է ներկայացվել Կառավարության միջգերատեսչական հանձնաժողովի քննարկմանը: Գույքի ձեռբերումից անմիջապես հետո մանկապարտեզը կհանձնվի շահագործման:

Այն նախատեսված է համայնքի շուրջ 140 փոքրիկների համար:

Ցուցադրել ավելի
Back to top button