Լուսանկարները՝ Առաջին ալիք-ի ֆեյսբուքյան էջի
Այսօր` Թատրոնի միջազգային օրը, տեղի է ունեցել «Արտավազդ» թատերական մրցանակաբաշխությունը: Ալեքսանդր Սպենդիարյանի անվան օպերայի և բալետի թատրոնում կայացած հանդիսության ժամանակ հայտարարվել են մասնագիտական մրցութային հանձնաժողովի կողմից ընտրված անվանակարգերում հաղթողների անունները։
«Երվանդ Ղազանչյանի անվան հատուկ» մրցանակը շնորհվել է ՀՀ մշակույթի վաստկավոր գործիչ Սերգեյ Առաքելյանին։
«Լավագույն մանկական ներկայացում» անվանակարգում հաղթող է ճանաչվել Հենրիկ Մալյանի անվան կինոդերասանի թատրոնի «Շրջված երազ» ներկայացումը․ բեմադրիչ` Նարինե Մալյան։
«Լավագույն երիտասարդ դերասանուհի» անվանակարգում հաղթող են ճանաչվել Կոնստանտին Ստանիսլավսկու անվան ռուսական դրամատիկական թատրոնի դերասանուհի Հռիփսիմե Նահապետյանը («Ռոմեո և Ջուլիետ») և Մետրո թատրոնի դերասանուհի Մարիկա Դովլաթբեկյանը («Սև կատուն»):
«Լավագույն երիտասարդ դերասան» անվանակարգում հաղթողներն են Սոս Սարգսյանի անվան համազգային թատրոնի դերասաններ Նարեկ Բաղդասարյանը և Աբովյանի դրամատիկական թատրոնի դերասան Դավիթ Եղիազարյանը։
«Լավագույն երիտասարդ բեմադրիչ»-ն է Գոռ Մարգարյանը Անհատ թատերախմբի «12» ներկայացման համար։
«Լավագույն երիտասարդական ներկայացում» է ընտրվելԿոնստանտին Ստանիսլավսկու անվան ռուսական դրամատիկական թատրոնի «Օնեգին» ներկայացումը (բեմադրիչ Նորա Գրիգորյան):
«Թատերարվեստին անբասիր ծառայության համար» անվանակարգը շնորհվել է ՀՀ ժող․արտիստ Իրինա Մարչենկոյին (Կ. Ստանիսլավսկու անվ. ռուսական թատրոն),
ՀՀ վաստ. արտիստ Բորիս Պեպանյանին ( Հ.Պարոնյանի անվ. թատրոն) և ՀՀ ժող. արտիստ Արա Երնջակյանին (Կամերային թատրոն):
«Լավագույն պիես»․Սառա Նալբանդյան («Հաղթանակի գենեզիս»):
«Լավագույն սցենոգրաֆիա»․Գարեգին Եվանգուլյան «Թռիչք կկվի բնի վրայով», Գաբրիել Սունդուկյանի անվան ազգային ակադեմիական թատրոն:
«Լավագույն երաժշտության հեղինակ» ․Ջեմմա Մինասյան «Սև կատուն», Մետրո թատրոն
«Լավագույն երկրորդ պլանի դերասանուհի»․Հերիքնազ Բաղդասարյան — (Վարազդատի մայրը) «Վարազդատ», Վանաձորի Հովհաննես Աբելյանի անվան դրամատիկական թատրոն
«Լավագույն երկրորդ պլանի դերասան»․
Անդրանիկ Զաքարյան — (Չեզվիք) «Թռիչք կկվի բնի վրայով», Գաբրիել Սունդուկյանի անվան ազգային ակադեմիական թատրոն
«Լավագույն դերասանուհի»․Տաթև Ղազարյան՝ (Էլիզաբեթ Ռուսե) «Փափլիկը», Սոս Սարգսյանի անվան համազգային թատրոն
«Լավագույն դերասան»․Արման Նավասարդյան — (Հեղինակ — Սաքո) «Լոռեցի Սաքոն», Սոս Սարգսյանի անվան համազգային թատրոն
«Լավագույն ռեժիսուրա»․ Նարինե Գրիգորյան — «Լոռեցի Սաքոն», «Փափլիկը», Սոս Սարգսյանի անվան համազգային թատրոն և Վահե Շահվերդյան — «Անուշ», Վանաձորի Հովհաննես Աբելյանի անվան դրամատիկական թատրոն:
«Ժյուրիի հատուկ մրցանակ»-ին է արժանացել Ստեփանակարետի Վ. Փափազյանի անվան դրամատիկական թատրոնի բեմադրիչ՝ Ռուզաննա Խաչատրյանը(«Լուսաբացից առաջ»):
«Լավագույն ներկայացում» է համարվել «Փափլիկը» ներկայացումը․ Սոս Սարգսյանի անվան համազգային թատրոն, բեմադրիչ` Նարինե Գրիգորյան։
«Արտավազդ» թատերական մրցանակաբաշխությունն այս տարի հոբելյանական է ՝ 20-րդը, և նվիրված է Թատերական գործիչների միության երկարամյա նախագահ, անվանի ռեժիսոր Երվանդ Ղազանչյանի հիշատակին:
