Հայաստանի բասկետբոլի հավաքականը՝ Եվրոպայի փոքր երկրների չեմպիոն

Հայաստանի բասկետբոլի հավաքականը նվաճել է Մալթայում անցկացված Եվրոպայի փոքր երկրների առաջնության հաղթողի տիտղոսը։ Մրցաշարի եզրափակչում մեր ընտրանին  84:68 հաշվով առավելության է հասել տանտերերի՝ Մալթայի հավաքականի  նկատմամբ։

Ռեքս Քալամյանի գլխավորած Հայաստանի բասկետբոլի հավաքականը Եվրոպայի փոքր երկրների առաջնության կիսաեզրափակչում հուլիսի 2-ին մրցել էր Անդորրայի հավաքականի հետ և 93։66 հաշվով հաղթանակ տարել։

Խմբային փուլում էլ մեր ընտրանին նախ 100։63 հաշվով հաղթել էր Ջիբրալթարի հավաքականին, ապա 78։66 հաշվով առավելության էր հասել Սան Մարինոյի թիմի նկատմամբ։