Ճիշտ է՝ արձակուրդին դեռ երեք օր կա, բայց շատերիս մտքում արդեն դպրոցն ու նոր ուսումնական տարին է։ Մտածում ենք, թե ի՞նչ նոր առարկաներ ենք անցնելու այս տարի, և առհասարակ, ի՞նչ է փոխվել հանրակրթական դպրոցներում։
Կրթության գիտության մշակույթի և սպորտի նախարարությունից օրինակ՝ տեղեկանում ենք, որ նախատեսվում է բոլոր դպրոցներում բնագիտական նոր լաբորատորիաներ, ինչպես նաև մասնագիտական կողմնորոշման ակումբներ հիմնել։ Մենք մտածում ենք, որ լավ նախաձեռնություն է, և շատերս կօգտվենք այդ հնարավորությունից։
Մի խոսքով մոտենում է սեպտեմբերը, իր հետ բերելով մի շարք նորություններ և դպրոցական աշխույժ օրեր։ Իսկ պատրա՞ստ ենք երկար հանգստից ու անհոգ օրերից վերադառնալ դպրոցական առօրյային։ Հենց այդ մասին է մեր այսօրվա զրույցը։
Որքան էլ, որ կարոտել ենք դպրոցը, ուսուցիչներին ու դասընկերներին, միևնույնն է, սեպտեմբերի առաջին օրերին դժվար ենք հարմարվում այն մտքի հետ, որ նորից պետք է շուտ արթնանանք, դասերին ուշադիր լինենք և բակում խաղալու փոխարեն տնային աշխատանքներ կատարենք։ Կարծում ենք շատերիս է ծանոթ այս զգացումը։ Եթե հաջողվում է հեշտ հաղթահարել այդ փուլը, լավ է, եթե ոչ՝ օգնության է գալիս հոգեբանը։
Մեր զրուցակիցը հոգեբան Անի Ապիտոնյանն է։
