Սեպտեմբերի 7-ին աշխարհում շատ հետաքրքիր խորագրով միջազգային օր է նշվում «Մաքուր օդ՝ կապույտ երկնքի համար» բնապահպանական օրը։
Օրացույցում այն ամրագրվել է 2020 թվականից՝ ՄԱԿ-ի գլխավոր վեհաժողովի որոշմամբ։ Օրն անդրադառնում է օդի աղտոտվածության խնդիրներին և հնարավոր լուծումներին։ Այսօր աղտոտված մթնոլորտը խնդիր է բոլոր երկրների համար և ըստ գիտնականների շատ հիվանդություններ՝ այդ թվում սրտանոթային, շնչառական, առաջանում են օդում թունավոր գազերի հետևանքով։ Ուստի ՄԱԿ-ը բոլոր երկրներին կոչ է անում կրճատել մթնոլորտ արտանետվող վնասակար մասնիկները և նվազեցնել աղտոտվածությունը։ Մի խոսքով, այսօր մեր մոլորակը «բուժելու» օրերից մեկն է։
