Այսօր «Զարթուցիչ»-ի հյուրասրահում հետաքրքիր մի նախագծի մասին ենք խոսել։ Երգահան, ռեժիսոր և պրոդյուսեր Զառա Պետրոսյանի նախաձեռնությամբ շուտով երգել սիրող պատանիների ձեռքին կհայտնվի «Խաղ ու պար» մանկապատանեկան երգերի ընտրանին։
Այն երաժշտասերներին հնարավորություն կտա սովորելու Զառա Պետրոսյանի հեղինակային երգերի բառերը, նոտաները և հատուկ հղումով՝ լսել նաև տվյալ կատարումը։
Ընտրանիում տեղ են գտել «Խաղ ու պար», «Երգավազք», «Երևան», «Happy Day», «Sweetie Baby» և այլ սիրված երգեր։ Մանրամասները՝ զրույցի ընթացքում։
Հաղորդման ընթացքում կլսենք նաև Զառա Պետրոսյանի նոր՝ «Մամա, իմ մայրիկ» երգը։ Այն կատարում է Ռոզա Էլոյանը։
