Այսօր նոյեմբերի 2-ն է։ Օրն առանձնանում է նրանով, որ աշխարհի մի շարք երկրներում նշվում է Բալետի օրը։ Աշխարհի խոշոր բալետային թատրոններն այս տոնն անցկացնում են ներկայացումներով, որոնք հեռարձակվում են նաև առցանց։ Այնպես որ, եթե սիրում եք բալետ, կարող եք հետևել ուղիղ եթերներին և դիտել։
Դե իսկ մենք օրվա առթիվ շնորհավորում ենք բալետի պարողներին, բալետմեսյտերներին, բեմադրողներին, նկարիչներին, դերձակներին, մի խոսքով բալետային արվեստի նվիրյալներին։
Եթե առաջիկայում որոշել եք ընկերների հետ բալետ դիտել, տեղեկացնենք, որ Ալեքսանդր Սպենդիարյանի անվան Օպերայի և բալետի ակադեմիական թատրոնում նոյեմբերի 18-ին, 19-ին, 21-ին և 22-ին կարող եք մասնակցել Պյոտր Չայկովսկու «Մարդուկ-Ջարդուկ» մանկական հրաշալի ներկայացմանը։ Սկիզբը ժամը 19-ին։ Հասցեն՝ Թումանյան փողոց 54 շենք։
