Հասցեներ՝ արձակուրդի համար. Զարթուցիչ

Առանձնացրել ենք մի քանի հասցե, որտեղ կարող եք հետաքրքիր ժամանակ անցկացնել։
Օրինակ՝ փոքրիկները Երևանի Ռուսական տանը կարող են սիրված մուլտֆիլմեր դիտել։ Միջոցառումը կտևի մինչև մարտի 31-ը ներառյալ։ Սկիզբը ժամը 11-ին:
Առաջարկում ենք այցելել նաև «Նարեկացի» արվեստի միություն։ Մինչև մարտի 31-ը այնտեղ կգործի «Շողարձակ» խորագրով ցուցահանդեսը։ Ներկայացված են «Շող» երեխաների համայնքահեն ցերեկային կենտրոնի սաների աշխատանքները։ Մուտքն ազատ է։
Իսկ ապրիլի մեկին` ժամը 13-ին, «Լոֆթ» ակումբի կինոսրահը կտրամադրվի երեխաներին։ Կցուցադրվի «Էյնբո. Ամազոնի ոգին» մուլտֆիլմը, հայերեն հնչունավորմամբ։
Մուլտֆիլմը անվախ ու երիտասարդ Էյնբոի մասին, որը ծնվել ու մեծացել է Ամազոնի ջունգլիներում: Նա միակն է Կանդամո գյուղում, որ կախարդական կապ է զգում բնության հետ։ Բայց Էյնբոն թերագնահատում է իր շնորհն այնքան ժամանակ, քանի դեռ հայրենիքը վտանգի մեջ չի հայտնվում։
Հիշեցնենք, որ մարտի 31-ից ապրիլի 7-ը Հայաստանում անցկացվելու է նաև Մանակապատանեկան գրքի և երաժշտության շաբաթը, ինչը նշանակում է, որ ժամանակը կարող եք նաև գրադարաններում անցկացնել, նոր գրքեր ձեռք բերել, գրողների հետ հանդիպել և այլ միջոցառումների մասնակցել։
Ավետիք Իսահակյանի անվան գրադարանի Ջ․ Բայրոնի անվան արվեստի գրականության բաժինը ապրիլի 29-ին բոլոր գրքասերներին սիրով հրավիրում է ներկա գտնվել աշխարհահռչակ գրող Ժյուլ Վեռնի 195 ամյակին նվիրված ֆիլմի ցուցադրությանը։ Կարող եք դիտել «Աշխարհի շուրջը՝ 80 օրում» ֆիլմը՝ հայերեն թարգմանությամբ։
Մանկապատանեկան գրքի և երաժշտության շաբաթվան մեծ սիրով է պատրաստվել նաև Խնկո Ապոր անվան ազգային մանկական գրադարանը, որտեղ նույնպես կարող եք հետաքրքիր հանդիպումների մասնակցել։ Ավելի մանրամասն կներկայացնի գրադարանի սպասարկման բաժնի փոխտնօրեն Ռուզաննա Թելունցը: