«Ինձ ուրիշ հարցեր տվեք»,-ասաց Լյուսին, երբ նրան հարցրի մանկապարտեզի մասին։
-Լավ, իսկ ի՞նչ հարցեր։
-Դե՜, գումարում, հանում։ Այդպիսի՛ բաներ։
Եվ մենք սկսեցինք գումարել ու հանել, խնդիրներ լուծել, բայց այնպիսի խնդիրներ, որոնց շնորհիվ ակվարիումի 3 ձուկիկները ևս 2 նոր ընկեր ունեցան, ծարավ ծաղիկները ջուր խմեցին, իր բոլոր խնձորներն ընկերներին բաժանած Լյուսին մի քիչ տխրեց, բայց ելքը գտանք․․․
Լսեք զրույցը Լյուսի Մարությանի հետ, և դուք էլ ինձ պես շատ ուրախ կլինեք, որ ձեր ընկերների թվում այսպիսի նոր ու պայծառ ընկեր էլ ավելացավ։
