Մայիսի 1-ից հունիսի 30-ը Երևանի բոլոր վարչական շրջաններում՝ բակերում և այգիներում փոքրիկներին հյուր կգա «Բեբուկ» շարժական թատրոնը և կներկայանա «Հեքիաթն անիվների վրա» խորագրով ինտերակտիվ ներկայացումներով։ Ծրագրի շրջանակում փոքրիկները կդիտեն տիկնիկային, ինչպես նաև ստվերային թատրոնի ներկայացումներ և ուրախ ժամանակ կանցկացնեն հեքիաթի հերոսների հետ։
Ներկայացումների ժամանակացույցին կարող եք ծանոթանալ «Բեբուկ» շարժական թատրոնի ֆեյսբուքյան էջում։ Նշենք, որ մայիսի 1-ին թատրոնը հանդես կգա Աջափնյակ, Մալաթիա-Սեբաստիա և Շենգավիթ վարչական շրջաններում։
