Հրավիրում ենք «Տրամաբանական խաղերի փառատոնի». Զարթուցիչ

Արդեն մտածու՞մ եք այն մասին, թե ինչպես եք անցկացնելու հունիսի 1–ը։ Տարբերակներ, հաստատ, ունեք, բայց այս մեկն էլ կարող եք նկատի ունենալ։

Հունիսմեկյան հրաշալի ժամանց են առաջարկում «Քառակուսի» հիմնադրամը և ԵՊՀ-ի ՍԹԵՄ ավագ դպրոցը․ սիրով հրավիրում են մասնակցելու «Տրամաբանական խաղերի փառատոնի»։ 

Փառատոնի նպատակն է մի վայրում հավաքել գլուխկոտրուկների և տրամաբանական խաղերի սիրահարներին։ Միջոցառումը կրում է ժամանցային բնույթ։ Այն նախատեսված է 4-9-րդ դասարանցիների համար։

Միջոցառման ընթացքում մասնակիցները կլուծեն գլուխկոտրուկներ, կխաղան տրամաբանական խաղեր, որոնց կանոնները պարզ են, և դրանք յուրացնելու համար, ինչպես վստահ են կազմակերպիչները, 5 րոպեն էլ բավարար է։ Յուրաքանչյուր տարիքային խմբի համար նախատեսված են տարբեր խաղեր։ Կան թիմային և անհատական խաղեր։

Եվ այսպես, հունիսի մեկին, ԵՊՀ ՍԹԵՄ դպրոցում՝ Ալեք. Մանուկյան 1 հասցեում, ժամը 10։00-15։00-ն ընկած հատվածում 4-9-րդ դասարանցիները կարող են մասնակցել Տրամաբանական խաղերի փառատոնին։ 

Մուտքն ազատ է։