Այս անգամ մեր թեման այն բույսերի մասին է, որոնց վերաբերյալ փաստերը մեզ երբեք չեն դադարի զարմացնել: Երբևէ լսե՞լ եք ինվազիվ բուսատեսակների մասին, որոնք, թեև ագրեսիվ վարքագիծ ունեն, բայց շատ արագ կարողանում են հարմարվել տեղի կլիմայական պայմաններին։ Այսօր ոչ միայն կտեղեկանանք էկհամակարգում ինվազիվ բույսերի թողած ազդեցությունների մասին, այլև՝ կծանոթանանք բնության մեջ հանդիպող ինվազիվ և բնիկ բուսատեսակների պայքարին։ Ինչո՞ւ և ինչպե՞ս են կարողանում ինվազիվ բույսերը ճնշել բնիկ բուսատեսակներին։
Հաղորդման հյուրը Գիտությունների ազգային ակադեմիայի Արմեն Թախտաջյանի անվան բուսաբանության ինստիտուտի ավագ գիտաշխատող, կենսաբանական գիտությունների թեկնածու, դոցենտ Ալլա Ալեքսանյանն է։
