Եթե դեռ չեք որոշել, թե որն է լինելու ձեր ապագա մասնագիտությունը, տղանե՛ր ու աղջիկնե՛ր, և խորհրդի կամ կարծիքի կարիք ունեք, լսեք մեր հյուրի՝ ԵՊՀ աշխարհագրության և երկրաբանության ֆակուլտետի դեկան Սարգիս Քելյանի հետ զրույցը, հատկապես, եթե սիրում եք «աշխարհագրություն» առարկան, հետաքրքրված եք երկրաբանությամբ և կուզենայիք իմանալ, թե ժամանակակից աշխարհում տարբեր այլ գիտակարգերի կողքին ի՞նչ տեղ ու դեր ունեն այս գիտությունները։
Զրույցի ընթացքում կպարզեք, թե բացի աշխարհագրագետից և երկրաբանից ուրիշ ի՞նչ մասնագետներ կարող են դառնալ ԵՊՀ աշխարհագրության և երկրաբանության ֆակուլտետի շրջանավարտները, և գուցե հենց այս պահին կայացնեք ձեր շատ կարևոր որոշումը։
Ս․ Քելյան — Այս պահի դրությամբ կազմակերպում ենք ընդունելություն 4 մասնագիտությունների գծով՝ աշխարհագրություն, երկրաբանություն, քարտեզագրություն և կադաստրային գործ և սերվիս։
Իրականում թե՛ աշխարհագրությունը և թե՛ երկրաբանությունը համարվում են ավանդական և շատ կարևոր մասնագիտություններ։ Ցավ եմ ապրում, որ այս պահի դրությամբ այս մասնագիտությունները բավականաչափ հետաքրքրություն չեն ներկայացնում, բայց, վստահ եմ, պատկերը փոխվելու է, որովհետև թե՛ աշխարհագրությունը և թե՛ երկրաբանությունը, հաշվի առնելով իրենց հզոր գիտական ներուժը, տնտեսության առաջնահերթություններից են։ Եվ դրանց կարևորվելու առումով այսօր կա մեծ բաց․․․
Ֆակուլտետի առաջարկած մասնագիտություններից ամենամեծ պահանջարկ ունի այս պահին «սերվիս» մասնագիտությունը․․․
