Նկարել սիրու՞մ եք, ջրաներկով՝ հատկապե՞ս։ Ուրեմն՝ այս տեղեկությունը հենց ձեզ համար է։
Սեպտեմբերի 23-29-ը Հայաստանում կանցկացվի «Հայաստանի գույներ» ջրաներկի միջազգային երկրորդ փառատոնը: Այն կանցկացնի «Արվեստա» կազմակերպությունը ԿԳՄՍ նախարարության աջակցությամբ։
Փառատոնի շրջանակում ջրաներկի՝ համաշխարհային հեղինակություն վայելող 14 վարպետներ՝ աշխարհում արվեստի այս ուղղության առաջատարներ, իրենց բազմաթիվ հետևորդների հետ կժամանեն Հայաստան։
Փառատոնի օրակարգում ներառված են վարպետության դասեր, պլեներային նկարչություն, ցուցադրական դասընթացներ, հանդիպում-քննարկումներ, էքսկուրսիաներ և շրջայցեր, ցուցահանդես, համերգային ծրագիր և այլ միջոցառումներ։
Փառատոնի հիմնական միջոցառումները կանցկացվեն սեպտեմբերի 28-ին և 29-ին Գյումրի քաղաքում:
