«Երջանիկ» բառը շատ սիրուն բառ է, և երևի չկա մեկը, որին հարցնես՝ ուզու՞մ ես երջանիկ լինել, քեզ պատասխանի՝ ոչ։ Իհարկե, երջանիկ լինել բոլորն են ուզում, բայց ի՞նչ է երջանիկ լինելը, և հնարավո՞ր է արդյոք սովորություններ մշակելով երջանիկ դառնալ։
Այսօրվա մեր հյուրի՝ թարգմանչուհի Նազելի Կարապետյանի հետ զրույցում կփորձենք գտնել այս հարցի պատասխանը, որովհետև գիրքը, որը նա թարգմանել է և որը կոչվում է «Երջանիկ երեխաների 7 սովորությունները», կարծես թե հենց դա է խոստանում՝ սովորություններ մշակելով երջանիկ դառնալ։
