Աշխատակիցը ցանկանում է ստանալ բարձր աշխատավարձ, գործատուն՝ խնայել կազմակերպության ֆինանսական ռեսուրսները․ երկկողմ համաձայնությամբ կառուցվում են գործատու-աշխատակից հարաբերությունները, ստացած աշխատավարձը դառնում է գրեթե բոլոր ֆինանսական գործարքների շարժիչ ուժը։
Սակայն ինչպե՞ս է որոշվում այն գինը, որով աշխատակիցը «վաճառում է» իր գիտելիքը, հմտությունը, փորձն ու ժամանակը, իսկ գործատուն գնում այն։ Հայաստանի ֆինանսիստների ասոցիացիայի նախագահ, ֆինանսների կառավարման մասնագետ, վերլուծաբան Սողոմոն Միրզոյանի կարծիքով՝ բարձր են վարձատրվում այն աշխատողները, ովքեր մինչ աշխատանքի անցնելը մեծ ներդրում են արել իրենք իրենց գիտելիքի մեջ, երկար սովորել են, փորձ են կուտակել և դարձել են մրցունակ աշխատակից։ Պարզել ենք նաև, թե ուրիշ ո՞ր դեպքում է աշխատանքը գնահատվում բավականին բարձր։
