Ի՞նչ է թվային հետքը․ Փոքրիկ բացահայտում

Այսօր դժվար է գտնել մեկին, որը գրանցված չէ սոցիալական մեդիայում ու չի օգտագործում այն։ Ու հարց է առաջանում․ արդյոք այն բոլոր նկարները, տեսանյութերը, տեքստերը և մնացած ամեն ինչը, որը տեղադրում ենք այս հարթակներում, ջնջելու դեպքում անհետանո՞ւմ են։

Այսօրվա բացահայտումը մեդիաոլորտից է, որը մեզ կօգնի դառնալ ավելի մեդիագրագետ և համացանցի բանիմաց օգտատեր։ Թեման՝ թվային հետքն է, իսկ մեր հյուրը՝ cyberhub.am-ի համահիմնադիր, մեդիափորձագետ Արթուր Պապյանը։

Նրա հետ բացահայտել ենք․

• ի՞նչ է թվային հետքը,
• արդյոք այն բոլոր նկարները, տեսանյութերը կամ գրառումները, որոնք հրապարակում ենք սոցիալական ցանցերում հնարավո՞ր է ջնջել ամբողջությամբ,
• ի՞նչ է մոռացվելու իրավունքը ու հնարավո՞ր է սոցցանցերից պահանջել այն տեղեկատվությունը, որը մեր մասին հասանելի է,
• արդյոք ՀՀ քաղաքացիները կարո՞ղ են այդ արտոնություններից օգտվել,
• հնարավո՞ր է համակարգչում, հեռախոսում կամ պլանշետում պահպանած տեսանյութները, նկարները կամ այլ ֆայլերը վերականգնել։  

Մեդիագրագիտության մասին պետք է անընդհատ խոսել։ Քանի դեռ տեղեկատվական տեխնոլոգիաները զարգանում են, մեդիագրագիտության թեմաները սրան զուգընթաց ևս փոխվում են։ Մեր ժամանակներում՝ գրագետ է այն մարդը, որը մեդիաԳՐԱԳԵՏ է։