Կոտայքի մարզպես Ռոմանոս Պետրոսյանը ֆեյսբուքի իր էջում հայտնել է, որ Կոտայքում տարբեր ծրագրերով հինգ նոր դպրոց կկառուցվի։ Ըստ մարզպետի՝ մի մասի շինարարության իրականացման մրցույթներն արդեն հայտարարված են:
Կոտայքի մարզի 5 դպրոցներ այս տարի կկառուցվեն և կվերակառուցվեն մի շարք ծրագրերի շրջանակներում
- Աբովյանի թիվ 2 հիմնական դպրոց
- Հրազդանի թիվ 2 հիմնական դպրոց
- Հրազդանի թիվ 10 ավագ դպրոց
- Կաթնաղբյուրի հիմնական դպրոց
- Ջրառատի միջնակարգ դպրոց
Վերակառուցումից հետո դպրոցները բավարարելու են ժամանակակից քաղաքաշինական և կրթական պահանջարկի բոլոր չափանիշներին, մասնավորապես՝ սեյսմակայուն են լինելու առնվազն 9 բալ երկրաշարժի դեպքում: Նորակառույց դպրոցները մատչելի կլինեն նաև հաշմանդամություն ունեցող երեխաների համար:
«Մեր աշակերտները արժանի են կրթության իրենց իրավունքն իրացնելու բարեկարգ, լուսավոր և ընդարձակ դպրոցներում և այդ նպատակի իրագործման համար ներդնելու ենք առավելագույն ջանքերը», -նշել է Կոտայքի մարզպետը: