«Հաղթելու համար պետք է խելացի լինել․․․». Պստիկաշեն

Մեր նոր ընկերները Գոռը և Աշոտն են։
Գոռն իր համար հայտնաբերել է 64 վանդակների թագավորությունը՝ շախմատը, սովորել է այնտեղ հաղթանակներ գրանցելու կանոնները և վստահորեն պայքարի մեջ է մտնում հակառակորդների հետ ու հաղթանակներ գրանցում կարևոր մրցումներում։
«Հաղթելու համար պետք է խելացի լինել»․ սա Գոռի կարևոր հայտանգործությունն է։ Ի՜նչ լավ կլիներ, որ շատ մեծահասակներ էլ այս հայտնագործությունն անեին իրենք իրենց համար այն ժամանակ, երբ դեռ փոքր էին։

Իսկ Աշոտի ամենամեծ հետաքրքրությունը խոհանոցն է, համեղ բաներ պատրաստելը։ Եվ չնայած խոհարարական առաջին փորձի պատմության հիմքում վեճն էր քույրիկների հետ, կարևորը՝ Աշոտն արդեն որոշել է․ «Խոհարար եմ դառնալու»։ Ի դեպ, եթե չգիտեք, թե ոնց են ձվածեղ ու պիցցա պատրաստում, կարող եք հենց այս զրույցից սովորել։