Բոլոր դպրոցական պստիկաշենցիներն սկսել են անհամբեր օրերը հաշվել, որովհետև ․․․
Արձակուրդն է գալու,–խորամանկ ժպտում է Նարեն, – կարողանալու ենք լիքը խաղեր խաղալ, վազել, չմտածել դասերի մասին։
– Կգնանք բակ ու հեծանիվ կքշենք, կգնանք անտառ, Սևան, –ավելացնում է Մարին։
Դե, այո, արձակուրդի մասին երազում ենք, բայց չենք մոռանում ամփոփել ուսումնական տարին՝ հետևյալ հարցին պատասխանելով․ «Ի՞նչ գիտելիքներով ենք ավարտում ուսումնական տարին»։
Մարին ու Նարեն շատ բան են սովորել, վստահ եմ, դուք էլ, սիրելի պստիկաշենցիներ։ Օրինակ՝ մաթեմատիկայի ժամերին սովորե՞լ եք արագ մտածել, մայրենիի ժամերին սովորե՞լ եք, թե ինչի համար են հոմանիշներն ու հականիշները, իսկ նկարչության ժամին սովորե՞լ եք մայրիկ նկարել․․․
