Քանի որ ուրախ և հետաքրքիր արձակուրդն առանց հետաքրքիր իրադարձությունների դժվար է պատկերացնել, մենք էլ այս օրերին տեղի ունեցող տարբեր միջոցառումների, համերգների բավականին մեծ ցանկից առանձնացրինք այս մեկը․ «Նորքի բարձունքում», որը տեղի կունենա հունիսի 11–ին՝ կիրակի օրը, Երևանի Նորք–Մարաշ վարչական շրջանի Հին Նորքի «Չինարի ծառ» կոչվող հրապարակում։
Փառատոնը խոստանում է այդ օրն արթնացնել հին Երևանի շունչը, ուրախությամբ ու զարմանքով լցնել փառատոնի մասնակիցների ժամանակը, նաև՝ բացահայտումներ է խոստանում․․․
Իսկ թե ինչպես է այս ամենն իրականություն դառնալու, ավելի լավ է տեղեկանանք «Նորքի բարձունքում» փառատոնի հեղինակ, կազմակերպիչ Կարինե Փանոսյանից և փառատոնի համակազմակերպիչ, նորքեցի Թորգոմ Աշչյանից, որոնք այսօր մեր հյուրերն են։
