Չղջիկները՝ բնության միստիկ արարածներ․ Էկոակումբ

Այս արարածները ունեն անսովոր արագ նյութափոխանակություն՝ մոտ 20 րոպեում չղջիկները կարող են մարսել բանանը, մանգոն և հատապտուղները։ Ընդ որում՝ մեկ չղջիկը մեկ ժամում կարող է որսալ մոտ 1200 ճանճ և մոծակ։ Եթե զուգահեռներ տանենք, ապա՝ կստացվի, որ դա նույնն է, ինչ մեկ մարդ անմիջապես 20 պիցա ուտի։ Էկոակումբի եթերում հյուրընկալել ենք Երևանի Պետական համալսարանի կենսբանության ֆակուլտետի կենդանաբանության ամբիոնի դոցենտ Աստղիկ Ղազարյանին, ով պատմել է չղջիկների յուրահատուկ կենսակերպի, տարածված միֆերի ու իրական փաստերի մասին։