Մեդիափորձագետ Սամվել Մարտիրոսյանը նշում է, որ Հայաստանը ներկայումս ունի մեկ, բայց շատ կարևոր խնդիր.
«Դա մեր սահմանային սահմանափակումներն են, այսինքն՝ մենք համարվում ենք խոցելի երկիր , որովհետև միայն երկու ելք ունենք՝ Իրան ու Վրաստան, բայց այդ հարցը ինչ ուզում ես արա, լուծում չունի, իհարկե, այստեղ պետք է նաև մտածել ռեզերվների մասին »:
Ինչո՞ւ պետք է մտածել փորձագետի նշած ռեզերվների մասին. որովհետև եթե այս պահին վիճակը չի կաշկանդում, ապա ճգնաժամային իրավիճակներում, օրինակ՝ Ադրբեջանի հետ , բարդություններ կլինեն անպայման։ Ինչ վերաբերում է բուն համացանցին, ապա համաշխարհային սանդղակով չափելու դեպքում՝ կունենանք բավականին հետաքրքիր պատկեր։
Ունենք բավական մատչելի, կայուն և արագ ինտերնետ կապ և բջջային ինտերնետի օգտագործման առումով մենք առաջատար երկիր ենք աշխարհում:
«Պայմանավորված է ընդհանուր երկրի զարգացվածության մի կարևոր խնդրի հետ, որ ամբողջը Երևանում է կուտակված, այդ պատճառով մարզերը ունեն բազմաթիվ ֆինանսական ու այլ խնդիրներ, որոնք նաև արտացոլվում են ցանցի զարգացվածության վրա»։