Երեխաներն ընհանրապես շատ են սիրում նմանվել իրենց ծնողներին: Փոքրիկ աղջիկները սիրում են իրենց տիկնիկի հագուստն արդուկել, տղաները մուրճով կամ ուրագով աշխատել՝ ինչպես հայրիկն է անում: Նման դեպքերում ծնողները պետք է ուշադիր լինեն և հետևեն, թե ինչով են զբաղվում երեխաները:
Տան ամենավտանգավոր հատվածը խոհանոցն է: Այստեղ են գտնվում գազի սարքավորումները, ջրամատակարարման համակարգը, սուր կտրող, ծակող առարկաները: Պակաս վտանգավոր չէ նաև լոգարանը: Այստեղ էլ մարդիկ տարբեր քիմիական նյութեր, մաքրող միջոցներ են պահում, որոնք կարող են երեխաների համար թունավորման աղբյուր հանդիսանալ:
Մոտենում է ջեռուցման սեզոնը և մինչ վառարանների տեղադրելը բնակիչներըը նախ պետք է ուշադրություն դարձնեն օդափոխության համակարգին, ստուգեն ծխատարների վիճակը, որովհետև ծխահեռացումը ամենակարևոր գործողությունն է վառարանը տեղադրելուց առաջ:
