(ԿԳՄՍ նախարարության բարձրագույն և հետբուհական մասնագիտական կրթության վարչության պետ)
Ռոբերտ Սուքիասյան -Նախապես ասեմ, որ ընդունելության պահանջների մեխանիզմների փոփոխությունը օրենքի նախագծով նախատեսվում է ներդնել 2022թ. սեպտեմբերի 1-ից, հետևաբար՝ մինչև այդ ժամանակահատվածը բուհ ընդունելությունը կիրականացվի գործող օրենսդրության շրջանակներում:
…Մյուս պարտադիր պահանջը, որը, դարձյալ, 2022թ. է ուժի մեջ մտնելու, հայոց լեզվի պարտադիր լինելն է: Անկախ կազմակերպաիրավական ձևից՝ ՀՀ-ում գործող ցանկացած բուհ դիմելիս ՀՀ քաղաքացու համար հայոց լեզվի քննությունը կլինի պարտադիր…
(ազգագրագետ)
Հասմիկ Աբրահամյան-Ազգագրությունն այն մասնագիտություններից է, որոնք երբեք չեն հնանա, որովհետև քանի կա ժողովուրդը, ազգագրությունն ու ազգագրագետը անելիք ունեն: Ազգագրագետն ուսումնասիրում է ցանկացած փոփոխություն, որ տեղի է ունենում ժողովրդի կյանքում: Արդի բոլոր պրոցեսներն ուսումնասիրության կարիք ունեն նաև ազգագրության դաշտում…
