2019թ․ դեկտեմբերի 20–ին ԱԺ գիտության, կրթության, մշակույթի, սփյուռքի, երիտասարդության և սպորտի մշտական հանձնաժողովի նախաձեռնությամբ անցկացվեցին խորհրդարանական լսումներ «Կրթության ոլորտի բարեփոխումներն ու ռազմավարական մարտահրավերները» թեմայով։ Քննարկվող հարցերի բազմազանությունն ու մասնակիցների մեծ քանակը նկատի ունենալով՝ կարող ենք ասել, որ այս լսումներն աննախադեպ ծավալուն էին։ Իսկ թե որքանո՞վ էին օգտակար հետագա գործողությունների ծրագրեր կազմելու տեսանկյունից, ի՞նչ եզրահանգումների հանգեցրին, կպարզենք ԱԺ գիտության, կրթության, մշակույթի, սփյուռքի, երիտասարդության և սպորտի մշտական հանձնաժողովի նախագահի տեղակալ Հովհաննես Հովհաննիսյանի հետ զրույցից։
Ծրագրի երկրորդ հատվածում ՀԱՊՀ Երևանի քոլեջի տնօրեն Էլբակ Էլբակյանի հետ զրույցի ընթացքում կծանոթանանք քոլեջում ուսուցանվող մասնագիտություններին, կպարզենք այս կրթօջախի վարկանիշի բարձրացման պատճառները․․․
