Վաղը վարչապետի աշխատակազմը վերսկսելու է աշխատանքն ամբողջ ծավալով, ֆեյսբուքի իր էջում հայտնել է Կառավարության աշխատակազմի ղեկավար Էդուարդ Աղաջանյանը:
«Պայմանավորված նոյեմբերի 10-ի գիշերը մի շարք անձանց կողմից կառավարական տուն 1 հասցեում գտնվող պետական գույքին հասցված զգալի վնասով և անկարգություններից հետո իրականացված նախաքննությամբ՝ երկու օր հնարավոր չի եղել ապահովել վարչապետի աշխատակազմի բնականոն աշխատանքը։
Այսօր մասամբ հնարավոր է եղել աշխատանքի վերականգնումը, իսկ վաղն արդեն վարչապետի աշխատակազմը վերսկսելու է աշխատանքն ամբողջ ծավալով»,- գրել է Աղաջանյանը:
