ԳԹԿ փոխտնօրեն Կարո Նասիբյանի հետ զրույցի ընթացքում հետադարձ մի հայացքով ի մի ենք բերում այս տարվա բուհական ընդունելության քննությունների «դասերը»։
Արդարացրե՞ց իրեն «մեկ բուհ, մեկ մասնագիտություն» սկզբունքը, այս տարվա փորձից ի՞նչ դրական փորձ հաստատ պետք է տանել հաջորդ տարի, ի՞նչն է, որ պետք է վերանայել կամ փոփոխել ընդհանրապես։ Անդրադարձել ենք նաև հայոց լեզվի «Շտեմարանների» խնդրին, զարտուղի ճանապարհներով գնահատական «շտկելու» փորձերի անօգտակարությանը։ Մի խոսքով՝ լսեք․ օգտակար զրույց է։
Կ․ Նասիբյան-ԳԹԿ-ն արդեն սկսել է նոր շտեմարանների աշխատանքային խմբերի ձևավորումը։ Հայտարարությունն արդեն տվել ենք, և այդ հայտարարության արդյունքում կհավաքվեն շտեմարաններ գրող խմբեր, որոնց աշխատանքը ԳԹԿ-ն կհամակարգի։
Գաղտնիք չէ, որ երբ հանձնարարում ենք որևէ առարկայի թեստ գրել, մեր դասախոսական կամ ուսուցչական կազմը անպայման ցանկանում է ինչ-որ տեղ նաև իրեն ցույց տալ։ Տարիներ շարունակ մենք իրենց ասում ենք․ գրեք ոչ թե այն, ինչը աշակերտը չգիտի, այլ այն, ինչը գիտի։ Կարծում եմ՝ նոր շտեմարաններում այդ գործոնը կթուլանա։
