Պարենի համաշխարհային օրն ամեն տարի նշվում է հոկտեմբերին: Դրա հիմնական նպատակն է աշխարհում մեծացնել բնակչության իրազեկվածությունը պարենային խնդրի վերաբերյալ։ Պարենի համաշխարհային օրը կրթական մեծ արժեք ունի: Այն օգնում է մարդկանց տեղեկանալ աշխարհում տիրող պարենային բարդ իրավիճակին և ուշադրություն հրավիրում այս կարևոր խնդրին։
Այս տարի Պարենի համաշխարհային օրվա համար ընտրվել է հետևյալ թեման՝ «Մեր գործողություններով մենք կանխորոշում ենք մեր ապագան»։
ՀՀ կրթության, գիտության, մշակույթի և սպորտի նախարարությունն աջակցում է նախաձեռնությանը և խրախուսում հանրապետության 1-4-րդ դասարանների աշակերտների ծնողներին առցանց քվեստի միջոցով միանալ այս միջոցառմանը: Քվեստը կազմակերպում են «Դպրոցական սնունդ» ծրագրի հայաստանյան գործընկերները՝ խրախուսելով երեխաներին վաղ մանկությունից հոգ տանել սեփական առողջության մասին ճիշտ և առողջ սննդի միջոցով։
Մասնակցության համար հարկավոր է ընդամենը անցնել հղումով, կարդալ կանոններն ու հրահանգները, առաջադրանքներ պատրաստել երեխայի համար՝ նրանց համար աննկատ կերպով։
