Այս թողարկման հյուրը երիտասարդ նկարչուհի Հասմիկ Կարապետյանն է՝ Հասկարը, որը ներկայացնում է իր առաջին անհատական ցուցահանդեսը՝ «Էպիզոդ 5»-ը։ Այն կբացվի մայիսի 22-ին, ժամը 19։00-ին՝ Թերլեմեզյան ցուցասրահում։
Հասմիկը ներկայացնում է իր ստեղծագործական ուղին՝ ընդգծելով, որ ցուցահանդեսը միավորում է վերջին հինգ տարիների ընթացքում ստեղծված մի քանի կարևոր շարքեր։ Նկարչուհին խոսում է իր աշխատանքներում հաճախ հանդիպող թեմաների՝ հիշողությունների, ժամանակի, մարդու ներսում տեղի ունեցող փոփոխությունների մասին։ Առանձնահատուկ տեղ են զբաղեցնում «կոշիկների» շարքը՝ որպես կյանքի ճանապարհի խորհրդանիշ, ինչպես նաև բնությունից ներշնչված գործերը, որոնք ծնվել են Երևանի քաղաքային միջավայրում անցկացրած դիտարկումների արդյունքում։
Զրույցում անդրադարձ է կատարվում նաև ժամանակակից արվեստագետի դերին, սոցիալական մեդիայի ազդեցությանը և հանրային ճանաչման կարևորությանը։ Հասկարը շեշտում է, որ իր համար առաջնայինը անկեղծությունն ու ստեղծագործական ազնվությունն են՝ անկախ արտաքին արձագանքից։
Ցուցահանդեսը կգործի մինչև հունիսի 3-ը՝ հնարավորություն տալով այցելուներին բացահայտել երիտասարդ արվեստագետի ներաշխարհը և ստեղծագործական մտածողությունը։
