Եթե հետաքրքրվում եք գիտությամբ, ապա տեղեկացնենք, որ մեկնարկել է «Հայկական համադպրոցական գիտության փառատոն-2026» մրցույթի հայտերի ընդունումը։
Կարող են մասնակցել ՀՀ պետական և ոչ պետական հանրակրթական ուսումնական հաստատությունների 5-12-րդ դասարանների աշակերտները՝ իրենց անհատական և խմբային նախագծերով։
Ուսումնական տարվա ընթացքում մրցույթի մասնակիցները պետք է իրականացնեն գիտահետազոտական նախագիծ և արդյունքները ներկայացնեն եզրափակիչ փուլին։
Մրցույթի ավարտին աշակերտների հետազոտական նախագծերը կգնահատվեն մասնագիտական ժյուրիի կողմից և ամենաբարձր գնահատականների արժանացած մասնակիցները հնարավորություն կստանան ներկայացնելու իրենց նախագծերը գիտության միջազգային փառատոներին։
Գրանցվելու կարգին և այլ մանրամասներին կարող եք ծանոթանալ ԿԳՄՍ նախարարության կայքէջում։
Կարծում ենք, հետազոտություններ սիրող մեր հասակակիցները կմասնակցեն մրցույթին։
