Սովորիր այնպես, կարծես հավերժ պիտի ապրես․ Զարթուցիչ

Սովորիր այնպես, կարծես հավերժ պիտի ապրես։ Այս խոսքերը մենք չենք ասել, այլ Հնդկաստանի քաղաքական և հոգևոր առաջնորդ, իրավաբան, ակտիվիստ Մահաթմա Գանդին։ 

Այսօր սեպտեմբերի 3-ն է, դպրոցում  2 օր է, ինչ սկսվել է ուսումնական տարին, և չնայած, այս տարի առարկաները բարդացել են, քանի որ մենք 1 տարով էլ ենք մեծացել, ամեն դեպքում չպետք է մոռանալ, որ սովորելը պետք է նաև հաճույք լինի։ Այսօրվա մեր թողարկումն էլ այն մասին է, որ հասկանանք, թե ինչպե՞ս կարող ենք հաճելին ու օգտակարը համատեղել։

Այսօր հյուրընկալել ենք Քառակուսի կրթական հիմնադրամի տնօրեն, ֆիզմաթ գիտությունների դոկտոր Սմբատ Գոգյանին, որի հետ զրուցելու ենք․

• Քառակուսի կրթական հիմնադրամի կողմից կազմակերպված ամառային ճամբարի մասին։
• Ինչպե՞ս կարող ենք ավելի հեշտ ու հասկանալի դարձնել բնամաթեմատիկական առարկաների սովորելը։
• Ինչպե՞ս կարող են նոր տեխնոլոգիաները մեզ օգնել կամ խանգարել սովորելու պրոցեսում։