Մասնագիտությամբ լեզվաբան Հրանուշ Վանեսյանը Teach for Armenia ծրագրի շրջանակում անգլերեն է դասավանդել Հայաստանի Լոռու մարզի Քարինջ գյուղի դպրոցում: Գիտի՝ ինչ անել, որ երեխաները սիրեն ու սովորեն լեզուներ: Աշխատասեր լինելն ու սիրելի ոլորտից ուսումնասիրությունն սկսելը համարում է կարևոր պայման:
Անգլերենի ուսուցչուհին խորհուրդ է տալիս աշակերտներին մարզել հիշողությունը: Օրինակ՝ կարելի է գործածել շատերին հայտնի «100 բառ անգիր անելու» տարբերակը: Սակայն, սա բավարար չէ և ուսուցիչը պետք է այնպիսի միջավայր ստեղծի, որ երեխաները այս սովորած բառերը անընդհատ գործածության մեջ դնեն:
