ՀՀ ԿԳՄՍՆ Ա․ Երզնկյանի անվան թիվ 118 ավագ դպրոցը 2022 թ. մայիսի 7-ին կազմակերպում է «Ես բնագետ եմ» խորագրով ամենամյա աշակերտական կոնֆերանս, որին կարող են մասնակցել 7-12-րդ դասարանների սովորողները։
Կոնֆերանսի նպատակն է՝
- խորացնել բնագիտական առարկաների գիտելիքները գիտահետազոտական աշխատանքի փորձով,
- ծանոթանալ գիտական արդի խնդիրներին և նրանց լուծման ժամանակակից մոտեցումներին,
- նպաստել հանրապետության տարբեր դպրոցներում բնագիտությամբ հետաքրքրվող սովորողների համագործակցությանը,
- սովորողների շրջանում ձևավորել մեծ լսարանի առջև ելույթ ունենալու հմտություններ,
- նպաստել հանրակրթություն-գիտություն, դպրոց-բուհ կապերի ամրապնդմանը:
Կոնֆերանսը կընթանա երեք փուլով՝ գլխավոր զեկույցներ, զեկույցներ խմբերում, ուսուցողական-փորձարարական փուլ։ Գլխավոր զեկույցներով հանդես կգան տարբեր գիտական, կրթական հաստատություններ ներկայացնող կենսաբաններ, ֆիզիկոսներ և քիմիկոսներ։ Խմբերում զեկուցողները կլինեն ՀՀ դպրոցների՝ կոնֆերանսին հայտագրված սովորողները։
Բոլոր մասնակիցներին կտրվեն մասնակցության վկայականներ, իսկ ընտրված լավագույն ելույթները կարժանանան պատվոգրերի և մրցանակների։
Գրանցման հայտ կարելի է ներկայացնել և՛ որպես ունկնդիր, և՛ որպես զեկուցող։ Հայտերի ընդունման վերջնաժամկետը ապրիլի 20-ն է:
Գրանցվելու համար անհրաժեշտ է անցնել հետևյալ հղմամբ: