«Ինչու՞ է սա ինձ հետաքրքրում, ոչ միայն որպես միջնադարագետ, ոչ միայն որպես պատմության դասվանդման մասնագետ, այլ որ միջնադարն ունի իր յուրահատկությունը, և հաճախ ինձ թվում է, որ ուսուցիչները, մարդիկ ամենաշատ կարծրատիպերը ունեն հենց միջնադարի վերաբերյալ։ Մի քանի բառ ասեմ, որոնք գուցե հիշեցնեն այդ կարծրատիպերի մասին․ խավարամտություն, ինկվիզիցիա, հետամնացություն։ Այս բառերը հաճախ տարբեր հրապարակումներում ասոցացնում են հենց միջնադարի հետ, այսինքն երբ որ մեր միջավայրում՝ 21-րդ դարում որևէ մեկը ինչ-որ մի դրսևորում է տեսնում, որը փորձում է ինչ-որ մի կերպ համադրել հետամնացության հետ, անմիջապես ասում է «դե սա միջնադար է», «դա ֆեոդալիզմ է» կամ նմանատիպ որակումներ։ Ուսուցիչների մոտ այս կարծրատիպերը սկսում են նաև ազդեցություն ունենալ այն դասավանդման վրա, որոնք նրանք իրականացնում են դպրոցում»։
«Սովորում ենք սովորել» բաց հարթակում պատմություն դասավանդող, կրթության մասնագետ Զոհրաբ Գևորգյանն է։
