Օգոստոսի 5-ից 9-ը Ծաղկաձորում անցկացվող «Ֆիզիկան և մենք» ճամբարն իր հարկի տակ միավորեց 42 պատանու Հայաստանի տարբեր մարզերից և Երևանից։ Մեր այսօրվա հյուրերը՝ ՀԱՊՀ ավագ դպրոցի 12–րդցի Միլենա Գասպարյանը և ԵՊՀ ֆիզիկայի ինստիտուտի առաջինկուրսեցիներ Մարի Հայրապետյանն ու Վլադիմիր Մանուկյանն էլ մասնակիցների թվում էին։ Հիմա արդեն, երբ ամառն ավարտվում է, ճամբարականներից շատերն են այդ 5 օրը հիշում որպես անմոռանալի և կարևոր օրեր․ Միլենան, Մարին և Վլադիմիրը՝ նույնպես։
Ինչպե՞ս հայտնվեցին այս ճամբարում, ի՞նչ ակնկալիքով էին եկել, ի՞նչ բացահայտումներ արեցին իրենք իրենց համար և ինչո՞վ օգնեց ճամբարն իրենց։ Այս հարցերի, նաև՝ մասնագիտության ընտրության շատ կարևոր հարցի շուրջ է մեր զրույցը։
